عوام کیلئے بڑی خوشخبری ، حکومت کا پیٹرولیم مصنوعات کی قیمتیں برقرار رکھنے کا فیصلہ

Sharing is caring!

اسلام آباد (مانیٹرنگ ڈیسک )وفاقی حکومت کا یکم مئی تک پیٹرولیم مصنوعات کی قیمتیں برقرار رکھنے کا فیصلہ ۔وزیراعظم عمران خان کے معاون خصوصی شہباز گل نے کہا ہے کہ وزیراعظم وزیراعظم عمران کان نے پیٹرولیم مصنوعات قیمتوں میں اضافے کی سمری مسترد کر تے ہوئے قیمتیں برقرار رکھنے کا فیصلہ کیا ہے ۔ شہباز گل نے کہا ہے کہ اوگرا کی سمری میں 5 سے 10 روپے اضافے کی سفارش کی گئی تھی لیکن وزیراعظم نے اوگرا سمری نامنظور کرکے 16 اپریل کی قیمتیں برقرار رکھنے کا فیصلہ کیا۔

قبل ازیں یکم مئی سے پٹرول اور ڈیزل کی قیمتوں میں اضافے کا امکان ظاہر کیا گیا تھا ۔اوگرا نے پٹرولیم مصنوعات کی قیمتوں میں اضافے کی سمری پٹرولیم ڈویژن کو ارسال کر دی ہے۔تفصیلات کےمطابق ذرائع کا کہنا ہے کہ پٹرول کی قیمت میں پونے 6 روپے فی لیٹر تک اضافہ ہو سکتا ہے، جب کہ ڈیزل کی قیمت 6 روپے فی لیٹر تک بڑھ سکتی ہے۔ ذرائع نے بتایا کہ پٹرول اور ڈیزل کی مجوزہ قیمتوں کا تعین موجودہ پٹرولیم لیوی کی شرح پر کیا گیا ہے، پٹرول پر موجودہ لیوی 11 روپے 23 پیسے فی لیٹر ہے، جب کہ ڈیزل پر پٹرولیم لیوی 15 روپے 29 پیسے فی لیٹر ہے۔تاہم، پٹرولیم مصنوعات کی قیمتوں کا حتمی فیصلہ وزارت خزانہ وزیر اعظم کی مشاورت سے کرے گی۔