Home / Uncategorized / دوست ہو تو ایسا چین سعودی عرب کی جانب سے دیا گیا قرض واپس کرنے کیلئے ایک سے ڈیڑھ ارب ڈالر فوری دینے پر رضامند

دوست ہو تو ایسا چین سعودی عرب کی جانب سے دیا گیا قرض واپس کرنے کیلئے ایک سے ڈیڑھ ارب ڈالر فوری دینے پر رضامند

Sharing is caring!

اسلام آباد (این این آئی)چین پاکستان کو سعودی عرب کی جانب سے دیا گیا قرض واپس کرنے کیلئے ایک سے ڈیڑھ ارب ڈالر فوری طور پر دینے پر رضامند ہو گیا،یہ دوسری مرتبہ ہے کہ چین پاکستان کی مدد کے لیے سامنے آیا ہے، اس معاشی سال کے پہلے سہ ماہی میں بھی پاکستان نے چین کی مدد سے سعودی عرب کو ایک ارب ڈالر کا قرض واپس کیا تھا،اس طرح پاکستان سعودی عرب سے لیے گئے 3 ارب ڈالر قرض میں سے دو ارب ڈالر تین فیصد سود کے ساتھ واپس کر دے گا۔ذرائع کے مطابق حکومت پاکستان کل منگل

تک سعودی عرب کو ایک ارب ڈالر کی رقم ادا کر دے گی ، باقی رہ جانے والے ایک ارب ڈالر بھی پاکستان آئندہ ماہ ادا کر دے گا۔وزارت خزانہ کے حکام سے اس حوالے سے جب رابطہ کیا گیا تو انہوں نے کہاکہ یہ دو ممالک کے درمیان خفیہ معاملہ ہے۔اس پیشرفت سے جڑے ایک اعلیٰ عہدیدار کا کہنا ہے کہ رقم جمع کرنا آئی ایم ایف پروگرام کا حصہ ہے اور قرض دینے والی اتھارٹی نے زبانی اور تحریری گارنٹی لی تھی کہ پیکیج کے دورانیے کے دوران بھی اس معاہدے کو ختم کیا جا سکتا ہے۔پاکستان کے لیے آئی ایم ایف مشن چیف ارنسٹو ریمیریز رگو مالی ادائیگیوں کے معاہدے کے وقت توثیق کے لیے چین بھی گئے تھے۔خیال رہے کہ سعودی عرب کی جانب سے اسٹیٹ بینک آف پاکستان کے اکاؤنٹ میں 15 دسمبر 2018 کو تین سالہ مدت کے لیے رقم ڈالی گئی تھی اور پاکستان یہ رقم متعلقہ شیڈول سے پہلے واپس کر رہا ہے۔

About admin

Check Also

15+ Images Explain How To Change Old Tires Into Stunning Works Of Art

Perhaps you would like to try your hand at creating one of these sculptures if …

Leave a Reply

Your email address will not be published. Required fields are marked *