یہ ہوئی ناں بات : بڑی طاقت کی پاکستان کو قرضہ فراہم کرنے کی پیشکش ، مگر عمران حکومت نے کیا جواب دیا ؟ جان کر ٹائیگر فخر سے پھولے نہ سمائیں گے

Sharing is caring!

اسلام آباد (ویب ڈیسک) پاکستان نے کورونا ویکسین فنڈنگ سے متعلق ورلڈ بینک کی قرض کی پیشکش قبول کرنے سے معذرت کرلی۔ نجی ٹی وی کے مطابق عالمی بینک نے پاکستان کے لیے قرض کی فراہمی پر رضامندی ظاہر کردی، ورلڈ بینک نے پاکستان کو ویکسین فنڈنگ کیلئے نئے قرض کی پیشکش کیجسے پاکستان نے قبول کرنے سے معذرت کرلی۔

نجی ٹی وی نے ذرائع کے حوالے سے بتایا ہے کہ پاکستان نے ورلڈ بینک سے ماضی کے قرض کے ازسر نو استعمال کی اجازت مانگی جس کے بعد ورلڈ بینک نے ماضی کے قرض کے نئے استعمال کی اجازت دے دی۔وزارت صحت ذرائع کے مطابق ورلڈ بینک نے پاکستان کو پی آرپی کیلئے 155 ملین ڈالر قرض دیا تھا، پاکستان کے پاس پی آرای پی کے 153 ملین ڈالر محفوظ ہیں، وزارت صحت نے پلاننگ کمیشن میں جمع پی سی ون واپس لینے کا فیصلہ کیا ہے، وزارت صحت نے پلاننگ کمیشن میں 138 ملین ڈالرکا پی سی ون جمع کرایا تھا۔ذرائع کا کہنا ہے کہ پاکستان نے کورونا ویکسین کی فنڈنگ کیلئے ورلڈ بینک سے رابطہ کیا تھا،

پاکستان نے ورلڈ بینک سے ویکسین کیلئے 153 ملین ڈالر امداد مانگی تھی، حکومت نے اقتصادی امور ڈویژن کے ذریعے ورلڈبینک سے رابطہ کیا تھا، عالمی سطح پر ممکنہ کورونا ویکسین کی ایڈوانس بکنگ کاعمل جاری ہے۔دوسری جانب ایک اور خبر کے مطابق ملک بھر میں کورونا وائرس کے فعال کیسز کی تعداد 48 ہزار سے زائد ہوگئی جب کہ 24 گھنٹوں میں اس وائرس نے 73 افراد کی زندگیوں کو نگل لیا۔نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق گزشتہ 24 گھنٹوں میں ملک بھر میں 31 ہزار 830 کورونا ٹیسٹ کئے گئے، جس کے بعد مجموعی کووڈ 19 ٹیسٹس کی تعداد 60 لاکھ 64 ہزار 220 ہوگئی ہے۔ گزشتہ 24 گھنٹوں کے دوران ملک بھر میں مزید 2 ہزار 459 افراد میں کورونا کی تشخیص ہوئی ہے، اس طرح پاکستان میں کورونا کے مصدقہ مریضوں کی تعداد 4 لاکھ 43 ہزار 246 ہوگئی ہے۔