News Corner International News Corner
وزیر اعظم عمران خان کی جانب سے وفاقی وزیر داخلہ شیخ رشید کو ہدایات جاری کی گئیں ہیں کہ پی ڈی ایم کے احتجاجی تحریک میں مدارس کے بچوں کی شرکت کو روکیں، سیاست کو مذہب کا لبادہ نہ اُڑھنے دیا جائے ۔ تفصیلات کے مطابق وزیراعظم عمران خان کی زیرصدارت امن و امان کی صورتحال سے متعلق
اجلاس، اجلاس میں وزیرداخلہ شیخ رشید اور دیگر حکام نے شرکت کی۔ اس موقع پر وزیر اعظم عمران خان نے کہا کہ امن و امان کی صورتحال، شہریوں کے تحفظ پر سمجھوتہ نہیں ہوگا، تمام قانون نافذ کرنیوالے ادارے باہمی روابط کو بڑھائیں، شہریوں کے جان و مال کا تحفظ ریاست کی بنیادی ذمہ داری ہے۔ وزیر اعظم کی جانب سے شیخ رشید کو ہدایات کی گئیں کہ پی
ڈی ایم تحریک کے احتجاجی جلسوں میں مدارس کے بچوں کی شمولیت کو روکا جائے، اس حوالے سے وفاقی وزیر داخلہ کل علمائےکرام کے بورڈ سے ملاقات کریں گے اور انہیں حکومتی ترجیحات سے آگاہ کریں گے۔
