News Corner International News Corner
تحریک انصاف کے رکن قومی اسمبلی اسلم خان نے تصدیق کی ہے کہ علی حیدر گیلانی کی ویڈیو ان کے ساتھی رکن قومی اسمبلی فہیم خان نے بنائی اور اس سٹنگ آپریشن کو وزیراعظم عمران خان نے سراہا۔ نجی ٹی وی چینل کے پروگرام میں گفتگو کرتے
ہوئے اسلم خان کا کہنا تھا کہ ویڈیو اسٹنگ آپریشن میں شامل کسی ایم این اے نے پیسے نہیں لیے، اگر کسی نے پیسے لیے ہیں تو اسے سخت سزا ملنی چاہیے۔ خیال رہے کہ سینیٹ الیکشن سے قبل سوشل میڈیا پر علی حیدر گیلانی کی ووٹ ضائع کرنے کا طریقہ بتانے
کی ویڈیو منظرعام پر آئی تھی۔ویڈیو میں علی حیدر گیلانی مبینہ طور پر ایک رکن کو ووٹ ضائع کرنے کا طریقہ بتا رہے ہیں جب کہ یہ واضح بھی نہیں کہ ویڈیو میں موجود افراد کون ہیں، ووٹ ضائع کرنے کا طریقہ بتاتے ہوئے کہا گیا کہ نمبرز یاد رکھنا ہے۔
