عدالتی فیصلوں کا احترام نہ کرنا اِن کی پرانی روش ہے ، سینیٹر شبلی فراز نے ن لیگ کے حوالے سے قوم کی انکھیں کھول دیں

Sharing is caring!

اسلام آباد(ویب ڈیسک)وفاقی وزیر اطلاعات سینیٹر شبلی فرازنے کہا ہے کہ عدالتی فیصلوں کا احترام نہ کرنا مسلم لیگ(ن) کی پرانی روش ہے، یہ قانون کا احترام اپنی سہولت اور منشا کے مطابق کرتے ہیں،اداروں پر دباؤ ڈالنا ان کا سیاسی وطیرہ بن چکا، ڈسکہ الیکشن کا فیصلہ وہاں کے عوام کریں گے۔

مائیکرو بلاگنگ ویب سائٹ پر ٹویٹ کرتے ہوئے وفاقی وزیر اطلاعات سینیٹر شبلی فراز نے کہا کہ مسلم لیگ ن کے رہنماؤں کی میڈیا سے گفتگو اداروں پر دباؤ ڈالنے کی بھونڈی کوشش ہے،عدالتی فیصلوں کا احترام نہ کرنا ان کی پرانی روش ہے،انہیں وہی فیصلے قابلِ قبول ہیں جو ان کے حق میں ہوں۔سینیٹر شبلی فرازنے کہا کہ یہ قانون کا احترام اپنی سہولت اور منشا کے مطابق کرتے ہیں،اداروں پر دباؤ ڈالنا ان کا سیاسی وطیرہ بن چکا ہے، اِنہوں نے ملکی اداروں کو تباہ کیا اور ابھی بھی اسی مشن پر کاربند ہیں، ڈسکہ الیکشن کا فیصلہ وہاں کے عوام کریں گے۔